|梳乎蛋 ‧ 餐廳| ◊ 喲~ 跟我來朝聖吧! YATA Gudetama Café by Izumi Curry ◊ 小 影 ™

萬眾期待的梳乎蛋 cafe已經登陸香港啦! 一眾梳乎蛋粉絲又點能夠錯過呢?
今次係一田x梳乎蛋x Izumi Curry的合作，除了食物水準較有保證外，餐廳整個環境都係cute爆既梳乎蛋，而門外亦有梳乎蛋精品店，岩晒Gudetama fans們。




同樣身為fans既我地 當然要黎朝聖啦，我地今日咁岩放假 諗住平日少人d大約12點來，以為可以避開上班族lunch time，點知都係要等差唔多半個鐘。


而Cafe本身由內到外、從頭到腳都係Gudetama既佈置裝飾，到處都有梳乎蛋氣球咕𠱸等pops，非常適合大人細路盡情selfie呃Like～✨



真係好想帶哂佢地番屋企啊!!!!


而門外既梳乎蛋精品店更加有部份係呢度獨有既限定梳乎蛋精品，真係超得意 千其唔好錯過啦～!


坐低發現餐廳每一個細節都充滿了梳乎蛋的氣息，除了杯杯碟碟外，連餐墊及杯墊全都是Gudetama!! 而且重點是中文對白，很有親切感呢~
這是我最喜歡的對白: 比我訓多3分鐘啦~~


睇睇MENU, 野食價錢都預左會貴, 不過又無我地想像中咁貴!
而我地今次點左日式海鮮燒餅同芝士漢堡扒咖喱飯。食物味道都OK，比起同樣以梳乎蛋做主題的dim sum icon來講，個人覺得呢度水準已經算唔錯，始終Izumi curry本身都唔係差既～





芝士漢堡扒咖喱飯$129
蛋包飯有Gudetama個樣 懶洋洋hea hea的好cutie，蛋包飯配漢堡扒同咖喱再淋上芝士，好似梳乎蛋蓋瞓覺咁。咖哩味道帶甜唔辣，芝士亦都夠牽絲，只係凍得太快芝士凝固咗就無咁好食，所以大家記得趁熱食啦～
而份量來講 漢堡扒幾厚身加埋芝士同個飯，如過本事細食既話其實食落都有少少飽滯感，但整體味道來講再加埋梳乎蛋個cute樣感覺都唔錯。


個飯會跟一杯果汁，如果鍾意既話仲可以加$48換埋個梳乎蛋杯杯返屋企添。
✨
Nana評分：8/10
Nono評分：7.5/10\