<尋覓全城人氣芝士撻>
相信最近全城被熱捧美食必定非芝士撻莫屬，日本知名BAKE至香港快餐美心集團都推出了半熟芝士撻。相信同小影一樣是吃貨，啊不是！是芝士迷的話一定好想知道咁多間芝士撻之中邊間是最好食的！就等食了五間人氣芝士撻的小影同大家檢閱城中各間半熟芝士撻！
話比你知到底邊間先至係最好食！邊間最抵食 ！

(一) 　BAKE CHEESE TART ($20/個 $110/6個) 最好食! 排最耐

BAKE CHEESE TART
地址：銅鑼灣軒尼斯道555號崇光百貨地庫二層


賣相: ★★★★★
味道: ★★★★★
價錢: ★★★
排隊指數: ★★★★★



因為排隊指數同人氣極高的關係，所以放係最重要的第一位！芝士撻大佬之一，來自日本的BAKE，佢地所有芝士達都是原個由北海道直送，來到香港店再用大型焗爐即場焗。要試佢哋嘅芝士撻都唔係一件易事，價錢並唔係重點，而你係要付上時間、體力同耐性，在長長人龍之下等待芝士撻既降臨。
我哋今次放工時間六點零鐘嚟到SOGO，排左接近一個鐘，買左半打兩個人自私食。

先講下外形，BAKE既芝士撻的確係比較精緻，d芝士脹卜卜肥嘟嘟非常靚仔。撻皮幾香脆有些少堅感，牛油味唔算好重所以食落唔覺膩。咬開個撻 芝士係半熟cream cheese半流心狀態，質感creamy，而芝士味幾適中唔會偏酸或偏淡，芝士味同奶味都岩岩好，有點似芝士乳酪的感覺。唯一美中不足就係芝士撻唔夠熱，即買即食都只係微溫，不過有人話放入雪櫃凍食都唔錯，但我個人認為芝士撻當然係熱辣辣流心咁先最好食。


Nana評分：9/10
Nono評分：9/10

(二) 　半熟工房 ($22/個)

半熟工房
地址：尖沙咀金馬倫道6A


賣相: ★★★★
味道: ★★★★
價錢: ★★★
排隊指數: ★★★



第二間將會是介紹這間人氣高企既本土芝士撻代表 半熟工房，原先是在凱斯西餅才買到的半熟工房，一開實體店人潮高舉不下，之前試過放工時間來到發覺竟然無人排隊，原來只係一早買晒。今日放假2點鐘左右去到排左大約十分鐘，唔使排長龍～實在太好。
半熟工房既芝士撻賣相都ok 面頭顏色焦焦的，新鮮出爐熱得燙口，佢既撻皮唔算很酥脆但就較為鬆化，而芝士撻咬開半熟口感很滑但唔算流心，半熟程度是ok的，但如果鍾意流心芝士既話咁就可能會有點失望了。佢既奶味同芝士味聞落好香，食落都不錯，不過整體來講味道還是BAKE略勝一籌。

Nana評分：7.5/10
Nono評分：7.5/10

(三) 　CAKE LAB ($14/個 $70/6個) 最抵食! 最流心!

CAKE LAB
地址：灣仔安康商業大廈地下2號舖

賣相: ★★★★
味道: ★★★★
價錢: ★★★★
排隊指數: ★



美心集團旗下的CAKE LAB在熱潮下都推出了軟心芝士撻，普遍獲得一致好評。
剛買到手的時侯捧著紙袋仍能感受芝士撻的溫度，襯熱食芝士相當流心質感creamy，而芝士味都算香濃，至於撻皮亦很香脆。如果性價比來說，CAKE LAB是最高分，味道同半熟流心程度都幾高分，價錢亦相對較為經濟，而且唔洗排長龍! 所以綜合來說很值得推介

（optional：以灣仔分店為例，一般去到都唔使點排隊，大約買到六點令先買晒，所以平時附近收工唔太遲去到都應該買得到。）

Nana評分：8.5/10
Nono評分：8/10







芝士撻停不了，今次到主打分子雪糕的Lab Made都推出了火焰雪糕芝士撻，佢地既芝士撻比較特別，係用佢地芝士味的雪糕放在牛油撻中，表面就係焦糖玻璃。
焗起的牛油撻熱熱地，而雪糕就凍冰冰口感亦很綿密，就算用火燒過面頭既焦糖 雪糕亦唔易溶。



至於芝士味方面，雖然唔係好似平時d芝士撻咁啖啖芝士，但佢地既雪糕係用左澳洲x意大利兩款芝士去做的，味道都算香濃。比起其他芝士撻，佢的確少左半熟流心芝士的吸引，但口感相對就比較特別，有溫熱的牛油撻皮配上凍冰冰既芝士雪糕，仲有焦糖玻璃脆面，三者味道好夾，而且無咁heavy。鍾意試創新野既話，值得去試試。

Nana評分：8/10
Nono評分：8/10

(五) 　Candy Shake ($18/個)

Candy Shake
地址：旺角登打士街55號

賣相: ★★★★
味道: ★★
價錢: ★★★
排隊指數: ★


半熟工房同BAKE自從登陸香港以來一直都係排晒長龍until sold out，基本上少d耐心或者行行下街突然心血來潮想食既話，都應該唔會買到。不過咁，而家半熟芝士撻你出佢又出，除左以上兩間之外其實都仲有好多選擇既。就例如旺角掃街集中地登打士街的Candy Shake，除左招牌既糖果奶昔外，都推出左半熟芝士撻。

呢度基本上唔使點排隊，最多都係等幾分鐘等d撻出爐。
新鮮出爐既半熟芝士撻熱辣辣有少少燙手，撻皮係牛油蛋撻皮非常脆，驟眼睇芝士餡脹卜卜，咬落去個口感似cream cheese，流心半熟的程度尚算合格，但芝士味道偏酸唔夠香濃。
以呢個味道來講 價錢$18一個唔算平，但如果經開附近 想試吓半熟芝士撻又唔想點排隊既話，都可以選擇來呢度試試～

Nana評分：6.5/10
Nono評分：6.5/10

芝士撻比拼排名

BAKE> LAB MADE> CAKE LAB>半熟工房> Candy Shake

BAKE大佬級的傳統半熟芝士撻味道是云云中最好, Cake Lab 同 半熟工房在味道方面是打成平手, 不過Cake Lab在價錢上及流心程度上都比半熟工房高分。而Lab Made 的火焰雪糕芝士撻勝在夠創新與別不同,但口感同味道一點也不馬夫,所以我將佢排係第二位。最後一名的Candy Shake其實並不差，只不過我個人不太好酸味的芝士而已。




而家已經有許多不同店家推出了芝士撻，未來會去食的話再同大家分享，今次就講住哩5間比較受歡迎既先，想睇更新更Update的食評就記得follow Nanodiary 留意我地啦!

IG: NanoDiary
FB: NanoDiary


▶　Related Topics
|梳乎蛋 ‧ 餐廳| ◊ 喲~ 跟我來朝聖吧! YATA Gudetama Café by Izumi Curry ◊ 小 影 ™
|餐廳 ‧ 分享| ◊ 初到賭城風情Little Vegas 必點隱藏菜式! ◊ 小 影 ™


▶　FIND ME via



Sina Weibo: www.weibo.com/sugusbe

CONTACT Email: babyshadoww@gmail.com


▶ Camera:
IPHONE 6S & TR35