| 旅遊‧ 指南 | ◊ 韓國首爾旅遊購物日誌 - Day 3 弘大不能錯過的美食購物街 ◊ 小 影 ™

科科～終於來到第三天的行程～我們第三、四天都是在最近的弘大一帶食玩買(/´∇｀)/　～Φ


早年去弘大只有商圈同一些街店行，過了約一年的時間，多了不少好行又便宜的大型商店！
咳咳！如果你要是沒有準備好彈藥的話，將會後悔不已呢（=´ω`=）

第三天在未逛街前先醫一醫肚，這間餐廳是我到韓國旅遊Bookmark必去之一

話說上年來首爾就是在這間myth jokbal吃下我們韓國的第一餐，相反今次雖然都好想再去品嚐，但一路都是在尋覓新餐廳試新野。但始終不可以放過這間豬手店!
▸蒜蓉豬手套餐(31000w/中 36000w/大)
記得上年我地兩個行到邊食到邊，盲中中摸到來呢度，門口望下menu見到幾吸引就入去食，當時可能無而家咁出名，所以比較少遊客去食，就連d店員都是阿姨們，英文都唔識多句，要用身體語言去示範我們怎樣才是正確食法。

而這次我們來到發覺店員已通通換上年青韓仔韓妹，而店內亦不難聽見廣東話與普通話，相信這一年來有唔少人介紹過呢度。
今次我們點了個蒜蓉豬手套餐，除了大大份的豬手外，仲有一大碟沙拉和一個韓式刀削麵鍋。套餐有分中和大的，我們點了個中份量已經夠三人食用。等緊豬手上台時，可以先吃前菜同韓國麵鍋，湯底算辣的而且越滾越辣，而韓式刀削麵口感Q彈配上辣湯冬天食幾暖胃。

比我們上次試過的原味豬手，今次這個蒜蓉豬手相對較香，但蒜味不算很重很濃烈，所以平時不吃蒜頭的朋友都可以試試。豬手味道很好，豬皮和豬肉都很入味。或者有些人會覺得豬手很肥，但事實上豬皮含有大量骨膠原，只是連接豬皮和豬肉之間才有一層薄薄的脂肪，至於豬肉亦很腍，不會乾身。
呢度韓國人的吃法是，將豬手夾在沙律菜中，再加上醬料、辣酸瓜、洋蔥片等配料一齊食。味道豐富口感有層次之餘，仲可以中和豬手的飽滯咁。


Myth Jokbal
地址：首爾特别市麻浦區東橋洞164-34
食飽飽當然要做正經的事－就是要瘋狂 Shopping! 而來到弘大當然少不了來弘大購物圈Shopping啦~￥・∀・　￥所有Made in Korea 通通都可以10000 - 30000WON 內買到(兌回港幣約HKD60 - 200左右)
▸弘大熱點總覽
弘大商圈之所以好行不只是東西便宜而已，隔離食街仲有大量小食店、餐廳，亦有COFFEE SHOP，行到肚餓絕對不怕沒東西吃。

來到弘大商圈還有一個重要的任務就是去O'sulloc的弘大店買韓國綠茶醬，滿心期待諗住買呢個綠茶迷必試既特濃綠茶牛奶醬。點知黎到先發現原來連韓國嘅分店都斷晒貨，期待落空之下有冇理由就咁就走，順道都試下呢度嘅綠茶甜品啦!　(很失望的說ノ(´Д｀)ヽ)

▸ O'sulloc綠茶蛋卷
我哋叫咗個綠茶蛋卷同埋焦糖蛋卷，呢度嘅綠茶甜品味道的確唔錯，綠茶味夠濃，但係最鍾意嘅都係呢度嘅環境。呢度一共有三層，每層裝修風格都有少少唔同，其中第一層較有情調適合relax傾計，第二三層嘅裝修相對較文藝風格，感覺上舒適啲精神啲，適合睇書或者用電腦做嘢。而呢間tea house係正弘大購物街，非常就腳，好岩行街行到累上來飲杯野食件cake～

O'sullocTea House (弘大店) / 오설록티하우스 (홍대점)
地址：서울특별시 마포구 서교동 358-53
電話：02-323-5223
如何前往：弘益大學站9號出口步行約10分鐘


第二樣要分享的小食就是Churro! Churro係一款來自西班牙的小食，而佢係韓國都幾hit，單係弘大我地都試過兩間churro了。
Churro其實係炸麵包條，感覺有啲似炸冬甩。而呢樣食物都有好多種叫法，西班牙炸油條、吉事果、吉拿果、吉拿棒⋯⋯而起源有兩種講法，有人話係由葡萄牙人從中國帶去歐洲的 由炸油條改良而成，另外有人話係由西班牙游牧人發明 方便佢哋攜帶到郊外充飢食用。

Chocolate with Churro (3000w)
弘大食街呢間Mr. Churro叫咗朱古力醬churro，churro外面脆卜卜入面軟綿綿，表面已經有糖粉但加埋朱古力奬都唔會太甜，而花生碎同杏仁片令口感更加豐富。小影表示一試愛上，第二日見到churro的綜影又ENCORE多次!

Day 4我地去左另一間都係弘大的Churro101 試左個奶油味 應該係牛奶吉士，味道都唔錯的，個人覺得朱古力醬加杏仁的配搭比較好食～ (　´∀｀)諗起都好正囉！！




 橋村炸雞位於弘大購物圈附近，因為唔近地鐵出口，所以唔熟路的話最好google定個位置先。店舖環境算靜 黑色格調，氣氛唔錯。


▸ 蜂蜜炸雞
menu有各款口味炸雞，我地掙扎於原味同蜂蜜味之間，最後都係揀左蜂蜜味，而且仲可以order淨雞腿添。因為有蜂蜜關係，味道甜甜地而且亦無咁dry，加上件件都係雞腿所以比較嫩滑juicy。雞腿炸得非常酥脆，外脆內嫩甜甜地，配埋啤酒真係唔得輸，難怪個個試完都讚好。
價錢方面一d都唔貴，一碟炸雞3-4人份量都係萬零won，約港紙$100，好過平時香港貴夾唔好食的韓式炸雞多多聲~ 呢度開中午12點至凌晨3點，也可以take away。鍾意炸雞啤酒千奇唔好錯過啦!

橋村炸雞 (KyoChon/교촌치킨)
地址：서울특별시 마포구 서교동 362-15


去首爾shopping日頭行到夜晚是常識吧?●((⊂(´∀｀⊂⌒｀つ 單單一個弘大購物圈就足夠我地行全日，而且女裝男裝都好好買～於是再逛到8、9點，一袋二袋行過SHOOPEN(G/F)同BUTTER(B1/F)又敗了一輪才回民宿。

SHOOPEN是公認質量好而且款式新潮的鞋店 (忘了拍照;這是網上圖片)


BUTTER是一家平民價格類似Log On的文具家品店! 個人很喜歡逛　BUTTER，東西都超級可愛，連連驚呼：「這是什麼來的～超可愛」，我認為這是一個買特別手信的好地方！

地址: 地鐵站1號出口即到

回到民宿整理行裝時又想食少少野，又出發找尋地道韓國美食去。時間差唔多係夜晚12點幾，d鋪頭都關得八八九九，然而弘大購物街個頭同地鐵9號出口附近仲有不少餐廳同車仔檔做緊生意。
車仔檔之魚糕湯
係首爾零下幾度凍到落雪，行街行到凍冰冰去d小食檔食返個魚糕湯就岩晒啦。
食材簡單，味道口感同我地食開的魚片魚腐幾相似，係好地道既韓國街頭小食，幾乎每個小食檔都有，一串魚糕加杯熱湯都只係500w，即係三個幾港紙only～食完魚糕飲完熱湯個人暖笠笠都唔錯架～


行到弘大食街附近，隨心進了一家地道的韓國食店嘗嘗～

辣炒豬肉蓋飯;辛奇炒飯; 芝士紫菜包飯
辛奇炒飯其實係泡菜炒飯，味道都幾辣。而辣炒豬肉蓋飯都係辣辣地，但味道帶甜的。至於紫菜包飯比平時唔同既係有包買芝士。呢間餐廳既價錢都十分抵食，大部分都係3000w-4000w左右，即係二十令蚊港紙only! 而且特別在於店內係用自助點餐機，喺韓國算係少見令我諗起日本的日式快餐店。餐廳名係韓文就真係唔記得啦，

地址: 弘大食街

DAY THREE的行程就此完結，又回民宿要整理一下戰利品嘛！嘻嘻～

DAY THREE 弘大

▸DAY ONE - 明洞 Myeongdong
行程 ▸ http://bit.ly/SEOUL2015D1

▸DAY TWO - 梨大 Ewha Womans University
行程 ▸ http://bit.ly/SEOUL2015D2

▸DAY THREE - 弘大 Hongik University
行程 ▸http://bit.ly/SEOUL2015D3

▸DAY FOUR - 弘大 Hongik University
行程 ▸ Coming Soon


冬日首爾穿搭日誌 - WINTER TRAVEL OUTFIT DIARY ▸  https://youtu.be/RpIqmtYspvA
http://babyxshadow.blogspot.hk/2015/12/winter-travel-outfit-diary.html

▶　FIND ME via




Sina Weibo: www.weibo.com/sugusbe

CONTACT Email: babyshadoww@gmail.com

▶ Camera:
Canon 70D